Wat de Russe künne, dat künne mir ald lang
Bütze, schunkele, singe, doför sin mir nit bang
Wodka drinke, Polka danze künne mir och jot
Fastelovend fiere, bloß met kölschem Bloot
De Mutter heiß Mamuschka, bei uns es et de Mamm
Ov Moskau oder Kölle, der selve Musikklang
Danzmarieche, Kölsch dobei, jo dann es alles klor
Un ne kleine Gorbi, dann blöök der janze Chor
Wodka drinke pur, danze op dem Flur
Richtig eine maache un vun Hätze laache
Höppe op de Stöhl, ävver met Jeföhl
Hacke dann zesamme, sich einfach enjehange
Die han ne rude Platz do, mir han der Aldermaat
Un am 11.11. ston mir dann parat
Räächs un links e lecker Mädche un dann danz der Bär
Ov Marie, ov Julischka, et läv der Fasteleer
Eimol Kalinka, eimol Stippefott
De Haupsach es mir fiere und sin all jot drop
FC, Haie, Dynamo, dat es mänchmol ejal
Levve, levve loße, et singk der janze Saal
Wodka drinke pur, danze op dem Flur
Richtig eine maache un vun Hätze laache
Höppe op de Stöhl, ävver met Jeföhl
Hacke dann zesamme, sich einfach enjehange
Text: Gerold Ulbrich & Elmar Gievers
Musik: Gerold Ulbrich & Elmar Gievers
Erscheinungsjahr: 2006
