|
Kumm, fier de Weihnaach noch ens wie vör 40 Johr
Un mer singen all die Leeder, die mer do jesunge han
Dann kütt de Stemmung vun domols widder op
Un mer föhlen uns wie fröher, em Hätz un och em Kopp
Kumm, drieh de Zick zoröck
Mer sin jetz noch ens jung
Singe Weihnaachsleeder
Un schwelge in Erinnerung
Der Schnie, dä feel, do wusste mer
Jetz es et nit mih wick
Dat Johr es bal ald röm
Jetz kütt de Weihnaachszick
Kumm, fier de Weihnaach noch ens wie vör 40 Johr
Un mer singen all die Leeder, die mer do jesunge han
Dann kütt de Stemmung vun domols widder op
Un mer föhlen uns wie fröher, em Hätz un och em Kopp
Weiß do noch, wie dat wor
Mem Schledde jing et rus
Dann Brotappel un Levvkooche
Jo, dat wor ne Jenuss
Ne Wunschzeddel jeschrivve
Opjerääch wore mer jed Johr
Un noh der Kressmett wusste mer
Et Kresskind, dat wor do
Kumm, fier de Weihnaach noch ens wie vör 40 Johr
Un mer singen all die Leeder, die mer do jesunge han
Dann kütt de Stemmung vun domols widder op
Un mer föhlen uns wie fröher, em Hätz un och em Kopp
Text: Elmar Gievers
Musik: Elmar Gievers
Erscheinungsjahr: 2009/2007
|
|
