|
Kölsche – die sin jeck et janze Johr
Kölsche – die sin hätzlich, dat es wohr
Kölle – es der Nabel vun der Welt
Kölle – es för de Kölsche dat wat zällt
Denn he es uns Heimat
He kritt uns keiner fott
Kölle deef em Hätze
Un Kölle en uns’rem Kopp
Mir sin die Jecke us Kölle am Rhing
He sin mir jebore, he jehöre mer hin
Hey Kölle – jetz hür ens, för dich es dat Leed
He wäde mer blieve, ejal wat och passeet
Fiere – dun mer off un üvverall
Fiere – un dat nit bloß em Karneval
Laache – es för de Kölsche ech Passion
Laache – es der allerschönste Ton
Mir Kölsche, mir sin friedlich
Sin jeck et janze Johr
Su soll et iwich blieve
Denn eins, dat es doch klor
Mir sin die Jecke us Kölle am Rhing
He sin mir jebore, he jehöre mer hin
Hey Kölle – jetz hür ens, för dich es dat Leed
He wäde mer blieve, ejal wat och passeet
Text: Elmar Gievers
Musik: Elmar Gievers
Erscheinungsjahr: 2007
|
|
