START BAND SONGS MEDIEN KONTAKT LINKS

Ich ben wie ich ben

Mänchmol, do klapp einfach jar nix
Su sehr do dich och anstrengs, nix jelengk
Der janze Daach lang muss do dich avplore
Do fröchs dich langsam, wat et jetz noch brengk

Doch mänchmol, do läuf et wie am Schnürche
Alles, wat do anpacks, jeit vun selvs
Do maachs de janze Welt ömärme
Wie lang bloß nor di Jlöck anhält

Ich ben wie ich ben
Mänchmol su un mänchmol su
Dat Levve jeit erop und jeit eraf
Ich ben wie ich ben
Un miestens ben ich fruh
Dat ich dat Levve erlevve darf
Dat ich dat Levve erlevve darf

Jo mänchmol, do föhlt mer sich ech super
Un mänchmol, do kriesch mer vör Ping
Ens su un ens su spillt dat Levve
Hück Rähn un morje Sonnesching

Ich ben wie ich ben
Mänchmol su un mänchmol su
Dat Levve jeit erop und jeit eraf
Ich ben wie ich ben
Un miestens ben ich fruh
Dat ich dat Levve erlevve darf

Mer sin wie mer sin
Mänchmol su un mänchmol su
Dat Levve jeit erop und jeit eraf
Mer sin wie mer sin
Un miestens es mer fruh
Dat mer dat Levve erlevve darf
Dat mer dat Levve erlevve darf

Text: Elmar Gievers
Musik: Elmar Gievers
Erscheinungsjahr: 2009